As festas na honra ó San Pedro en Vilariño teñen lugar a última fin de semana do mes de agosto a pesares de que o propio día do Santo é o 29 de xuño. Isto débese, ó igual que aconteceu na veciña parroquia de Entrambosríos coas celebracións na honra á Virxe do Carme, a que os mozos destas aldeas marchaban gañar o xornal ás segas de Castela durante os meses de xuño e xullo, polo que moitas das celebracións que tiñan lugar nesas datas foron trasladadas ó mes de Agosto.
Durante a derradeira fin de semana do mes de agosto en Vilariño poderedes asistir a un amplo abanico de actividades con motivo das festas: espectáculos de maxia, música tradicional, xogos infantís, grupos de rock, verbenas con grupos musicais, alborada e sesión vermú con charanga,…
Podedes atopar máis información na páxina web da Asociación de Veciños San Pedro de Olás: www.olasdevilarino.es
