Unha trintena de persoas gozaron da proxección do documental Emprendemento nas Terras de Celanova

O evento tivo lugar o pasado domingo día 29 de decembro do 2019

O pasado domingo, día 29 de decembro do 2019, unha trintena de persoas acudiron ata o local sociocultural de Zarracós para gozar da proxección do documental Emprendemento nas Terras de Celanova.  Nesta peza audiovisual realizada pola produtora Xurdir en colaboración coa Mancomunidade Terra de Celanova amósase a problemática da crise e do despoboamento do rural, así como, a visión de distintos empresarios da nosa comarca sobre a mesma.

Así, e aínda que moitos dos asistentes non tiñan a idade máis axeitada para emprender, non impediu que estes gozasen do filme e esbozasen un sorriso ó ver a numerosos rostros coñecidos e de seguro que algunha idea en limpo puideron quitar.

Dende aquí queremos dar as grazas a produtora Xurdir por deixarnos emitir o seu documental e tamén a todas aquelas persoas que se animaron a asistir. No 2020, seguramente proxectaremos algún documental máis.