Por cuarto ano consecutivo O Rallye de Ourense pasará pola parroquia de Zarracós

Serán dúas pasadas tarde-noite do venres 13 de xuño de 2025

Por cuarto ano consecutivo a organización do 58 Rallye de Ourense escolle o tramo A Merca – Celanova que discorre pola nosa parroquia para celebrar esta proba automobilística que puntúa para o Campionato de España. Así, ao igual que o ano pasado, a proba discorrerá pola Broa a tarde-noite do venres 13 de xuño.

O trazado será idéntico ao de edicións anteriores: A Merca, Proente, Rubillós, Entrambosríos, Lameiroquente, O Casal, Zarracós, Oxén de Arriba, Olás, Vilariño, Pazos e A Ramallosa. Deixamos aquí un vídeo do mesmo:

O venres 13 de xuño, dito trazado permanecerá cortado ao tráfico dende as 18:00  da tarde ata que finalice a proba (calculamos que sobre a 1.15 da madrugada).

Como ven sendo habitual, haberá dúas pasadas:

• TC2: o primeiro participante sairá ás 19:15 da tarde
• TC5: o primeiro participante sairá ás 23:10 da noite.

Axuntamos o cartel, un mapa que explica en detalle o trazado e os horarios previstos e tamén o itinerario.