Limpeza das inmediacións da igrexa parroquial 2026

Sábado, 6 de xuño de 2026, ás 8:30 horas no Campiño da igrexa parroquial

Con motivo da festividade de San Ceriz, que se celebrará o vindeiro 20 de xuño, o sábado 6 de xuño de 2026 levarase a cabo unha xornada de limpeza e acondicionamento das inmediacións da igrexa parroquial.

Facemos un chamamento a todas as persoas que desexen colaborar para que se acheguen ao campiño da igrexa ás 8:30 da mañá, contribuíndo entre todos ao coidado e embelecemento deste espazo tan importante para a nosa parroquia.

Recoméndase traer algunha ferramenta axeitada para os traballos de limpeza e mantemento que se vaian realizar.

Toda colaboración será benvida e de gran axuda para que a contorna da igrexa presente o mellor aspecto posible de cara ás celebracións festivas.

Moitas grazas de antemán pola vosa colaboración e participación.