O tellado da Igrexa Parroquial de Zarracós loce como novo

A obra foi pagada integramente con cargos ós fondos da asociación de veciños

Durante a semana pasada, operarios da empresa Construcións Novoa (de Zarracós), procederon a realizar diversos arranxos sobre o tellado da igrexa parroquial e o resultado abofé que é ben vistoso, pois este parece completamente de estrea, tal e como se pode apreciar nas fotos adxuntas a este artigo.

Ó longo de moitos anos e debido ó ciprés existente ó carón do templo, a cuberta foi acumulando gran cantidade de lixo e musgo, que sen lugar a ningunha dúbida, favorecían a filtración de auga ó interior do edificio. Así mesmo, tamén había pequenas goteiras na espadana do campanario e na san cristiá.

O obra consistiu na realización de diversas operacións de mantemento, por unha banda procedeuse a limpar toda a cuberta con auga a presión, substituíronse todas as tellas rotas que se atoparon e aplicóuselle un tratamento impermeabilizante; por outra banda arranxáronse as goteiras procedentes da espadana do campanario e da san cristiá colocando unhas xuntas novas feitas con medias tellas.

Cabe salientar que esta obra foi integramente pagada con cargo os fondos da asociación de veciños.