A rapaza e os sete sabios

Érase unha vez unha nena tremendamente lista, á que sete sabios lle ían facer preguntas que ela sempre era capaz de contestar ó momento.

Así, o último dos sete sabios en formularlle a súa pregunta, pensaba para si que esta non sería capaz de responderlle tal cuestión, que viña a ser a seguinte:

Mira rapaza, que cousa vale máis que uns bois cun carro de ouro?

Ó que a rapaciña lle contestou:

Un xaneiro xeadeiro, un febreiro muiñeiro, un marzo ventoso, un abril chuvioso, un maio pardo e un San Xoán claro valen máis que os bois e o carro.

Por Delfina Taín Fernández