Rematan os traballos de restauración do retablo maior da Igrexa Parroquial

Foron necesarios catro intensos meses de traballo

Hoxe ,a través deste medio dixital, podemos anunciar o que sen dúbida é unha grandísima nova para todos os veciños da parroquia de San Andrés de Zarracós.

A empresa Alquimia S.L.L ven de rematar a restauración do retablo maior da Igrexa Parroquial, tras catro intensos meses de traballo, e como se pode apreciar nas imaxes acompañantes os resultados saltan á vista, e esta fermosa obra de arte barroca acaba de recuperar o seu explendor orixinal.

Son moitos os traballos que se fixeron nel para acadar o resultado que agora podemos ver, pero sen dúbida algúns dos que máis nos impactarán os veciños posiblemente sexan estes:

• O Cristo cruzificado ocupa de novo o seu lugar orixinario (de onde nunca debeu sair) e recupera a súa cor verdadeira, a cor carne, e non ese tono oscuro que tiña ata o de agora.
• O San Andrés, un santo que moitos de nós pensabamos que era "negro", recupera a súa policromía orixinal, un fermoso manto verdoso con motivos dourados. E como non pasa a ocupar a ornacina central, lugar que lle corresponde por ser o patrono.
• Algo que tamén salta bastante á vista,é que agora o retablo parece moito máis colorido, moitos de nós desoñecendo o proceso levado a cabo na recuperación pensaremos: "mira de que color foron pintar o retablo", pero nada máis lexos da realidade, xa que non se pintou en absoluto, senón que se recuperaron as cores orixinarias do mesmo que estaban escondidas detrás de capas de suciedade, repintados mal feitos, barnices oxidados polo paso do tempo....
• E por último,o que posiblemente máis nos impacte e que se recuperou a policromía dourada que tan perdida estaba polo paso do tempo.

Sen dúbida, esta é unha gran obra, da que os veciños da parroquia de Zarracós nos debemos sentir orgullosos, por que non é algo sinxelo de facer nin fácil de financiar. Por iso dende a Asociación de Veciños queremos agradecer a colaboración de todos os veciños e en especial de Manuel Vázquez e Manuel Canal, sen os cales non sería posible haber realizado esta grandiosa obra da que agora podemos presumir. Tamén queremos agradecer á Excma. Deputación de Ourense a súa aportación e a Delegación de Patrimonio do Bispado de Ourense a súa excelente colaboración.

(Arriba: imaxe do retablo restaurado)

(Arriba: imaxe do retablo sen restaurar)