V Xantar Popular do San Andrés en Zarracós

O sábado 28 de novembro, a parroquia de Zarracós volve reunirse arredor da mesa para celebrar o noso patrón

Hai citas que se converten en tradición e o Xantar Popular do San Andrés xa é unha delas. Despois da boa acollida das edicións anteriores, este ano volvemos celebrar unha das xornadas máis especiais do calendario veciñal: a V Edición do Xantar Popular do San Andrés.

A cita será o sábado 28 de novembro de 2026, ás 14:00 horas, no Local Sociocultural de Zarracós, nunha xornada pensada para compartir boa gastronomía, amizade, conversa e festa entre veciños, veciñas, familiares e amigos.

Un menú para gozar en boa compañía

Para esta ocasión teremos un menú completo e pensado para desfrutar sen présas:

• Empanada
• Churrasco mixto
• Criollo
• Chourizo parrilleiro
• Bica
• Bebidas, café e chupitos

O prezo será de 20 € por persoa.

Os nenos e nenas de 6 a 12 anos pagarán 10 €, mentres que os menores de 6 anos poderán asistir de balde.

A comida volverá estar servida por Bar Tito de Villavidal (Ramirás), un establecemento xa coñecido pola veciñanza e que nos acompaña tamén durante as festas da Virxe das Neves de Zarracós.

Reserva a túa praza

O prazo para anotarse remata o domingo 22 de novembro de 2026.

Debido ás dimensións do local, o aforo estará limitado a 75 persoas, polo que recomendamos non deixar a inscrición para os últimos días. Terán preferencia os socios e socias da Asociación de Veciños San Andrés de Zarracós.

O San Andrés é unha ocasión para volver xuntarnos, sentarnos á mesma mesa e celebrar como comunidade unha das nosas tradicións.

Boa comida, boa compaña e moitas ganas de festa!

Non perdas esta cita e acompáñanos no V Xantar Popular do San Andrés.

• Local Sociocultural de Zarracós
• Sábado 28 de novembro de 2026, ás 14:00 horas
• Inscricións ata o domingo 22 de novembro

Agardámoste para celebrar xuntos o San Andrés!