III Torneo de Chave do San Ceriz

Hipólito proclámase claro gañador ao golpear a chave 8 veces

O pasado Sábado día 16 de Xuño do 2012 celebrábase no campo da festa de Zarracós o III TORNEO DE CHAVE DO SAN CERIZ.

Desta vez a participación foi un pouco inferior a de anos anteriores, e por desgraza, non houbo presenza feminina, pero aínda así nel déronse cita uns 30 participantes que competiron “deportivamente” coa intención de darlle a maior cantidade de veces posible á chave situada a uns 18 metros de distancia.

Cabe destacar que este ano a copa non se foi para o barrio da Torre como tradicionalmente viña ocorrendo nos últimos anos, senón que foi para Hipólito, que tras as tres roldas pertinentes proclamouse claro gañador do torneo ao golpear, nada máis nin nada menos, que 8 veces a chave!!! Recibía así a copa de mans da Señora Herminia.